ხშირად დასმული კითხვები
ძირითადი კითხვები
ამანათის მოცულობითი წონა გამოითვლება ფორმულით: სანტიმეტრებში - სიგრძეXსიგანეXსიმაღლე/6000; ინჩებში - სიგრძეXსიგანეXსიმაღლე/166. საბოლოო წონას კი ის მაჩვენებელი განსაზღვრავს, რომელიც მეტი იქნება - რეალური ან მოცულობითი.
იმ შემთხვევაში, თუ თქვენ ფიქრობთ, რომ ინვოისის წონა მაინც დიდია, შეგიძლიათ, მობრძანდეთ ჩვენს ოფისში და მონაცემები გადაამოწმოთ.
პროდუქციის დასახელების, ფასის და გამომგზავნის მითითება აუცილებელია.
“დეკლარაცია” ღილაკზე დაჭერის შემდეგ, მიუთითეთ გამომგზავნი მაღაზია, შემდეგ ჩამონათვალში აირჩიეთ პროდუქციის ზოგადი კატეგორია, მაგ.: ტანსაცმელი, ფეხსაცმელი, ელექტრო მოწყობილობები, ხოლო თუ თქვენი პროდუქციის ზუსტი კატეგორია ვერ მონახეთ, მიუთითეთ "სხვადასხვა მზა ნაწარმი", ბოლოს ჩაწერეთ ფასი და შეინახეთ.
დეკლარირების საშუალება კვლავ მოგეცემათ რეისის ჩამოსვლის შემდეგ, 7 დღის განმავლობაში. ამ შემთხვევაში, დაგვიანებისას ამანათების მიღება დეკლარირებიდან 1 კვირის შემდეგ შეგეძლებათ.
ამანათის ჩამოსვლიდან 7 დღის შემდეგ, დაუდეკლარირებელი ამანათები გადადის სახელმწიფო საკუთრებაში.
გთხოვთ, გაითვალისწინოთ, რომ დეკლარირება სავალდებულოა, წინააღმდეგ შემთხვევაში ამანათს ვერ მიიღებთ.
თუ გამომგზავნ მაღაზიებში თქვენი მაღაზია ვერ მონახეთ, გთხოვთ, მოგვწეროთ ელ-ფოსტაზე sales@usa2georgia.com მაღაზიის მისამართი და აუცილებლად დავამატებთ სიაში.
გთხოვთ, გაითვალისწინოთ, საბაჟო გადასახადებისაგან თავის არიდების მიზნით, შეცდომით დადეკლარირებულ ამანათზე საბაჟო დაგაკისრებთ ჯარიმას, პირველ შემთხვევაზე დღგ-ს 40%-ს, ხოლო მომდევნოზე 100%-ს.
გთხოვთ, გაითვალისწინოთ, რომ გადაფუთვა მოქმედებს იმ შემთხვევაში, თუ თქვენს ექაუნთში ამანათის მისვლამდე წინასწარ დაამატებთ თრექინგ კოდს.
სტანდარტული გადაფუთვის სერვისი
ყუთით შემოსული ტანსაცმელი და ხელჩანთები იწონება რეალური - ანუ სასწორის წონით.
ფეხსაცმლის ყუთებს ვიღებთ საფოსტო ყუთიდან და ვგზავნით მისი ორიგინალი შეფუთვით.
კომბინირებული პროდუქციის შემთხვევაში, ამანათები შეძლებისდაგვარად მცირდება ზომაში. კომბინირებულში იგულისხმება: ტანსაცმელი+ფეხსაცმელი, ტანსაცმელი+ბიჟუტერია, ფეხსაცმელი+საათი და ა.შ. შემცირებულად ჩაითვლება ყველა ის ამანათი, რომელშიც შესაძლოა ყუთის რომელიმე გვერდზე შიგნიდან დარჩეს 1-2 სმ სიგანის სივრცე.
ყუთის შემცირებისას არ ხდება პროდუქციის დაპრესვა, დაწოლა ან დახვევა...
გთხოვთ, გაითვალისწინოთ, რომ ტექნიკა, საათები, სუნამო ან/და სხვა მსხვრევადი პროდუქცია არ ექვემდებარება გადაფუთვას, უსაფრთხოების ნორმებიდან გამომდინარე.
ფეხსაცმლის პარკში გადადება
თუ თქვენ გააკეთებთ მონიშვნას ფეხსაცმლის ყუთიდან ამოღების შესახებ, მაშინ ფეხსაცმელები გადალაგდება პარკში და დაითვლება რეალური წონით. ამ სერვისის გამოყენება რეკომენდირებულია მხოლოდ სპორტული კეტების და ნაჭრის ფეხსაცმლის შემთხვევაში, რადგან მათზე მძიმე წონის ზემოქმედებისას ნაკლებია დაზიანების რისკი.
გადაფუთვის სერვისის გამოყენების შემთხვევაში, იქნება ეს სტანდარტული გადაფუთვა თუ ფეხსაცმლის პარკში გადადება, კომპანია პასუხს არ აგებს პროდუქციის დაზიანებაზე.
გთხოვთ, ასევე გაითვალისწინოთ, რომ გადაფუთვის პირობებში ჩამოთვლილია ის პროდუქცია, რომელიც ექვემდებარება გადაფუთვას, ხოლო ის პროდუქცია, რომელიც გადაფუთვის პირობებში ნახსენები არ არის - არ იფუთება!
გთხოვთ, ასევე იხილოთ, თუ როგორ ანგარიშდება ტრანსპორტირების ღირებულება.
მომხმარებელს უფლება აქვს, კომპანიის ადმინისტრაციას გადაამოწმებინოს ამანათის მიღებისას ზომაში შემცირების და გადაფუთვის ხარისხი და ინვოისში მიიღოს შესაბამისი კორექცია. ოფისიდან გასვლის შემდეგ ან რეგიონში საკურიერო სერვისის მიღებისას გადაფუთვის შემოწმება და კორექცია აღარ ხდება.
სრული ინფორმაცია გადაფუთვის შესახებ შეგიძლიათ იხილოთ მომსახურების პირობებში, პარაგრაფი 3.
ამგვარად, თქვენ დაზოგავთ თანხას და, რაც მთავარია, დროს.
პროცედურა ძალიან მარტივია:
1. მიმღები პირი უნდა დარეგისტრირდეს ჩვენს ვებ-გვერდზე, რის შემდეგაც მომხმარებელი ავტომატურად მიიღებს ამერიკის მისამართს და მიენიჭება ოთახის ნომერი (UXXXXXX).
2. თქვენ შეგიძლიათ ნებისმიერ საფოსტო განყოფილებაში მიიტანოთ ამანათი და გაგზავნოთ სწორედ ამ ამერიკულ მისამართზე. გაითვალისწინეთ, რომ ამანათზე მიმღები პირის ოთახის ნომრის (UXXXXXX) მითითება აუცილებელია.
3. როგორც წესი, ამერიკაში შიდა გადაზიდვას 2-5 სამუშაო დღე სჭირდება (მაგ.: FedEx/UPS Ground). ამერიკის მისამართზე მისვლიდან მეორე სამუშაო დღეს ამანათი გამოიგზავნება თბილისში ადრესატთან. ტრანსპორტირების ვადა საშუალოდ 1 კვირაა.
იხილეთ კომპანიის შესახებ დამატებითი ინფორმაცია ან დაგვიკავშირდით ნებისმიერ დროს ელ.ფოსტაზე: sales@usa2georgia.com
- USA2GEORGIA -ს თვითმომსახურების ტერმინალი წარმოადგენს ელექტრონულ მოწყობილობას, რომლის საშუალებითაც, მომხმარებელს შეუძლია ამანათის მიღება მასზე სპეციალური 10 ციფრიანი ტერმინალის კოდის აკრეფვით;
- ტერმინალის კოდი იგზავნება როგორც SMS-ით ასევე ელ-ფოსტის საშუალებით;
- მომხმარებელი ვალდებულია მობილური ტელეფონის ნომერი USA2GEORGIA-ს ექაუნთში მიუთითოს სწორად, ტელეფონის ნომრის შეცვლის შემთხვევაში კი უზრუნველყოს მისი განახლება.
- ტერმინალის 10 ციფრიანი კოდი ეგზავნება მხოლოდ მომხმარებელს და მომხმარებელი პასუხისმგებელია მის კონფიდენციალობაზე ან დაკარგვაზე;
- ტერმინალის მიმდინარე კოდი უქმდება მას შემდეგ რაც მომხმარებელი გაიტანს ყველა ამანათს.
- თუ ტერმინალის კოდის მიღების შემდეგ მომხმარებელი დაკარგავს მას, იგი ვალდებულია აცნობოს USA2GEORGIA-ს აღნიშნულის შესახებ და დააბლოკინოს ტერმინალის კოდი.
- ტერმინალის კოდის დაკარგვის შემთხვევაში მომხმარებელს შეუძლია ამანათის მიღება ოპერატორთან;
- თვითმომსახურების ტერმინალი ფუნქციონირებს USA2GEORGIA-ს ყველა ოფისში და ფილიალში;
- მომსახურება აქტიურია ყველა აქტიური მომხმარებლისათვის.
- ტერმინალით ამანათის მისაღებად საჭიროა მასზე 10 ციფრიანი კოდის აკრეფვა, რომელიც მომხმარებელს რეისის ჩამოფრენის შემდეგ ეგზავნება;
- ტერმინალში ამანათის მიღებისას მომხმარებელს არ სჭირდება პირადობის დამადასტურებელი დოკუმენტის წარდგენა ან ამანათის მიღების ხელმოწერა;
- მესამე პირის მიერ ამანათის მიღება შესაძლებელია მხოლოდ იმ შემთხვევაში, თუ მას გააჩნია ამანათის მიმღების ნებართვა და შესაბამისი ტერმინალის კოდი.
- მესამე პირისთვის ტერმინალის კოდის გადაცემა წარმოადგენს მისი მფლობელის პასუხისმგებლობას. მესამე პირზე ტერმინალის კოდის გადაცემის შემთხვევაში USA2GEORGIA არ არის პასუხისმგებელი;
- ტერმინალში ამანათების მიღებისას პრობლემის შემთხვევაში, მომხმარებელი ვალდებულია დაუყოვნებლივ აცნობოს ამის შესახებ ოპერატორს.
- განსაბაჟებელი ამანათის მიღება ტერმინალის საშუალებით არ ხდება;
ამერიკაში არსებული მაღაზიები სპეციალურ ფასდაკლებებსაც სთავაზობენ მომხმარებლებს, რომლებიც ამერიკაში გზავნიან პროდუქციას, ასე რომ, ჩვენი საფოსტო სერვისი სრულად აკმაყოფილებს ამ მოთხოვნებს.
ხშირად მომხმარებელი გვეკითხება რა დაჯდება ამა თუ იმ ნივთის ჩამოტანა და გვიგზავნის პროდუქციის ლინკს.
სამწუხაროდ, ტრანსპორტირების ზუსტი ღირებულების დადგენა ამგვარი მეთოდით ფიზიკურად შეუძლებელია, რადგან პროდუქციის ლინკი და ინტერნეტ გვერდი როგორც წესი არ იძლევა სრულ ინფორმაციას ამანათის წონაზე შეფუთვის ჩათვლით, რაც აუცილებელია ღირებულების ზუსტი გამოთვლისთვის.
ამერიკიდან ამანათები კვირაში 5-ჯერ იგზავნება - ორშაბათიდან პარასკევის ჩათვლით. ამანათის ჩამოსვლის ვადა გამოგზავნიდან საშუალოდ 1 კვირაა. შეტყობინებას მიიღებთ ამანათის ამერიკის მისამართზე მიღების, საქართველოში გამოგზავნისა და ჩამოსვლის შესახებ. ტრანსპორტირების ინვოისს კი მიიღებთ ამანათის ჩამოსვლის შემდეგ.
FULL NAME: SAXELI GVARI
ADDRESS 1: 8 McCullough dr. UNIT UXXXXX (სადაც UXXXXX თქვენი ინდივიდუალური ოთახის ნომერია)
CITY: New Castle
STATE: DE (Delaware)
ZIP: 19726
USA
თუ მაღაზიაში ტელეფონის ნომერს ითხოვენ, მიუთითეთ ჩვენი ტელეფონი: 1–866-411-9401. გაითვალისწინეთ, რომ ონლაინ მაღაზიები მობილურის ნომრის მითითებას სხვადასხვა ფორმატით ითხოვენ, მაგ: 18664119401, 8664119401. შეგიძლიათ იგივე მონაცემები მიუთითოთ ბილინგ მისამართშიც
ტრანსპორტირების ღირებულება გამოითვლება ამანათების ჯამური წონიდან. გადასახდელი წონის ფასი შეადგენს $8 აშშ დოლარს 1კგ–ზე, გადახდის დღისთვის არსებული თი–ბი–სი ბანკის დოლარის შესყიდვის კურსით ლარებში.
2019 წლის 10 ივნისიდან, თუ ამანათის მოცულობითი წონა (სიგრძე * სიგანე * სიმაღლე / 6000 - სანტიმეტრებში) აღემატება 20 კილოგრამს, გამოიყენება ტრანსპორტირების ღირებულების გამოანგარიშების საერთაშორისო წესი, რომელიც ითვალისწინებს ღირებულების გადახდას მოცულობით და რეალურ წონებს შორის მაქსიმალურით.
წონა მრგვალდება 100 გრამიანი სიზუსტით.
წონის დამრგვალება იწყება პირველი 100 გრამიდან.
ფილიალში ავტომატური გადამისამართების მიუხედავად, თქვენ შეგიძლიათ, ამანათების მართვის გვერდზე კონკრეტული რეისისთვის მიუთითოთ თქვენთვის სასურველი ფილიალი და, შესაბამისად, მიიღოთ ამანათი თქვენთვის სასურველ ფილიალში.
ცალკეულ რეისზე ფილიალის მითითება შესაძლებელია რეისის გამოფრენიდან მომდევნო 2 დღის განმავლობაში;
გაითვალისწინეთ, რომ დროულად დაუდეკლარირებელი ამანათები ფილიალში ვერ გადამისამართდება.
წერილებისა და დოკუმენტრების გამოგზავნა შეიძლება, მაგრამ პასუხისმგებლობას ვერ ვიღებთ, რომ ისინი თბილისში ჩამოვა. სამწუხაროდ, ხშირი იყო შემთხვევები, როდესაც წერილებისა და ჟურნალების თბილისში ჩამოსვლის შემდეგ, მომხმარებლები უარს ამბობდნენ თანხის გადახდაზე და მათ გატანაზე, რაც კომპანიისთვის რეალურად ზარალია. რადგან ამერიკასი უამრავი სარეკლამო ხასიათის წეილი, ჟურნალი და კატალოგი შემოდის, მათი გადაყრა ამერიკაშივე გვიწევს.
ამანათების შემცირება ხდება გადაფუთვის პირობების თანახმად
კომპანია USA2GEORGIA-სთვის პრიორიტეტულია რომ ამერიკის მისამართზე მიღებული ამანათი, მეორე დღესვე გამოიგზავნოს საქართველოში. სწორედ ამის გამო დაინერგა ახალი, ინოვაციური ტექნოლოგია, რაც გვეხმარება ამანათების დროულ/სწრაფ ტრანსპორტირებაში, რათა ჩვენი პასუხისმგებლობა პირნათლად შევასრულოთ და მომხმარებლებმა ამანათები დროულად მიიღონ.
FULL NAME: SAXELI GVARI
ADDRESS 1: 8 McCullough dr UNIT UXXXXX, (სადაც UXXXXX თქვენი ინდივიდუალური ოთახის ნომერია)
CITY: New Castle
STATE: DE (Delaware)
ZIP: 19726
USA
თუ მაღაზიაში ტელეფონის ნომერს ითხოვენ, მიუთითეთ ჩვენი ტელეფონი: 1–866-411-9401. გაითვალისწინეთ, რომ ონლაინ მაღაზიები მობილურის ნომრის მითითებას სხვადასხვა ფორმატით ითხოვენ, მაგ: 18664119401, 8664119401. შეგიძლიათ იგივე მონაცემები მიუთითოთ ბილინგ მისამართშიც
გადახდა, გადახდის პირობები
1. თქვენს ექაუნთში, ბალანსის შევსების გვერდზე, პლასტიკური ბარათის გამოყენებით;
2. ბანკში ვიზიტით, ოპერატორთან საჭირო იქნება მხოლოდ თქვენი ოთახის ნომერი;
3. თვითმომსახურების აპარატებიდან;
4. ონლაინ გადახდა Ipay.ge-დან;
5. ინტერნეტ ან სატელეფონო ბანკინგის მეშვეობით.
ბალანსის შევსების შემდეგ თანხა ავტომატურად აისახება თქვენს ანგარიშზე USA2GEORGIA-ში. ბალანსის ნახვა შესაძლებელია ამანათების მართვის პანელიდან.
მას შემდეგ რაც თქვენ შეავსებთ ბალანსს, მიღებული ტრანსპორტირების ინვოისების გადახდა ავტომატურად მოხდება. იმ შემთხვევაში, თუ ბალანსზე თანხა საკმარისი არ არის ინვოისის დასაფარად, სისტემა გამოგიგზავნით დამატებით შეტყობინებას.
გთხოვთ, გაითვალიწინოთ გადახდის საკომისიო, რომელიც გადახდის საშუალებებთან არის მითითებული.
ხარჯებს დაემატება შემდეგი ხარჯები: საბაჟო ~ ღირებულების 18%, დოკუმენტაციის მომზადება 12 ლარი
დამატებითი შეკითხვებით საბაჟო პროცედურებთან დაკავშირებით, გთხოვთ დაგვიკავშირდეთ ტელეფონით ან ელ–ფოსტის საშუალებით sales@usa2georgia.com
თუ ფიქრობთ, რომ შესამოწმებელია ამანათის წონა, მობრძანდით ოფისში, თან იქონიეთ პირადობის დამადასტურებელი მოწმობა. ამანათი თქვენს თვალწინ შემოწმდება. თუ რაიმე ტექნიკური მიზეზით მოხდა თანხის არასწორად გამოწერა, რა თქმა უნდა ჩვენ შევასწორებთ ინვოისს და ახალს ამოგიბეჭდავთ. თუ თანხა უკვე გადახდილი გექნებათ ამ მომენტისთვის, შეგვიძლია ის კრედიტის სახით ბალანსზე დაგისვათ ან გადმოგირიცხოთ თქვენს პირად საბანკო ანგარიშზე.
ბალანსის შევსება 2009 წლის 23 ოქტომბრიდან მოქმედებს სისტემაში. ის ეფუძნება ჩვეულებრივი მობილური ოპერატორის ბალანსის შევსების პრინციპს.
ბალანსის შევსების რამოდენიმე გზა არსებობს:
1. ბანკში, კომუნალური გადახდის მეშვეობით. საჭიროა მხოლოდ თქვენი ხუთ ნიშნა U ნომრის მითითება
2. პლასტიკური ბარათებით Visa/Master პირდაპირ ვებ-გვერდიდან
3. მომენტალური გადახდების აპარატებით TBCPAY და PAYBOX
ახლო მომავალში დაემატება ბალანსის შევსების სხვა მეთოდებიც.
გაითვალისწინეთ, რომ წონის დამრგვალება ხდება 100-გრამიანი სიზუსტით.
2019 წლის 10 ივნისიდან, თუ ამანათის მოცულობითი წონა (სანტიმეტრებში - სიგრძეXსიგანეXსიმაღლე/6000; ინჩებში - სიგრძეXსიგანეXსიმაღლე/166) აღემატება 20 კილოგრამს, გამოიყენება ტრანსპორტირების ღირებულების გამოანგარიშების საერთაშორისო წესი, რომელიც ითვალისწინებს ღირებულების გადახდას მოცულობით და რეალურ წონებს შორის მაქსიმალურით.
ასევე შეგიძლიათ პლასტიკური ბარათით ბალანსის შევსება USA2GEORGIA-ს საიტიდან.
0.1კგ-მდე წონის ამანათები დამრგვალდება 0.1კგ-მდე
0.1კგ-ის შემდეგ დამრგვალება ხდება 100 გრამის სიზუსტით.
ამანათების მართვის პანელი
ეს გვერდი მზადების პროცესშია...
ამანათების მართვის პანელში, პარამეტრების განყოფილებაში შესაძლებელია შემდეგი საკონტაქტო მონაცემების შეცვლა: მობილურის ნომერი, მისამართი, ელ.ფოსტა, დაბადების თარიღი და პაროლი.
ასევე შესაძლებელია შეტყობინებების მართვა.
თუ თქვენ არ გსურთ მიიღოთ სიახლეები კომპანიის სერვისების შესახებ, შეგიძლიათ გააუქმოთ შესაბამისი მონიშვნა შეტყობინებების მართვის გვერდზე.
თუ თქვენ გსურთ ამანათი თავად გაიტანოთ, გთხოვთ მონიშნოთ შესაბამისად "ოფისიდან წავიღებ" პარამეტრი.
მობილურის ბალანსის შევსების მსგავსად, თქვენ შეგიძლიათ შეავსოთ ბალანსი USA2GEORGIA-ში, შემდეგ კი გამოიყენოთ ის ინვოისების გადასახდელად. იხილეთ ბალანსის შევსება ამანათების მართვის პანელში.
ბალანსზე შეტანილი თანხები დაფიქსირდება ტრანზაქციების განყოფილებაში ჩარიცხვის სახით, ხოლო გადახდილი ინვოისები გადახდის სახით. იქვე მითითებულია ტრანზაქციის ღირებულება, რაც სხვადასხვა გადახდის საშუალებებს გააჩნიათ.
ტრანზაქციის დაფიქსირება ხდება მომენტალურად.
საბაჟოზე ამერიკასა და საქართველოში აუცილებელი გახდა პროდუქციის ჩამონათვალის წარდგენა თავის ფასებით, რაც შემდგომში მნიშვნელოვნად გააიოლებს საბაჟო პროცედურებს და ამანათების სწრაფად მიღებას. ამის გამო, სისტემას დავამატეთ პროდუქციის დასახელების, ფასის და გამომგზავნის მითითების ფუნქცია, რასაც ასევე დეკლარირებას ვუწოდებთ.
დეკლარაცია ღილაკზე დაჭერის შემდეგ, მიუთითეთ გამომგზავნი მაღაზია, შემდეგ ჩამონათვალში აირჩიეთ პროდუქციის ზოგადი კატეგორია, მაგ.: ტანხსაცმელი, ფეხსაცმელი, ელექტრო მოწყობილობები, ხოლო თუ თქვენი პროდუქციის ზუსტი კატეგორია ვერ მონახეთ, უბრალოდ მიუთითეთ "სხვადასხვა მზა ნაწარმი". ბოლოს ჩაწერეთ ფასი და დაიმახსოვრეთ.
დეკლარირება შესაძლებელია წინასწარ, ამანათის მიღებამდე თრექინგ კოდის დამატებით, ასევე რეისის გამოგზავნიდან 3 დღის განმავლობაში, რის შემდეგაც დეკლარირების ფუნქცია იბლოკება. დეკლარირების საშუალება კვლავ მოგეცემათ რეისის ჩამოსვლის შემდეგ, მომდევნო 3 დღის განმავლობაში. ამ შემთხვევაში დაგვიანებისას ამანათების მიღება დეკლარირებიდან 1 კვირის შემდეგ შეგეძლებათ.
აღნიშნული 3 დღიანი ვადის გადაცილების შემდეგ ამანათს ვეღარ მიიღებთ, მიუხედავად იმისა დაადეკლარირებთ თუ არა მას ამანათების მართვის გვერდზე.
ამანათის ჩამოსვლიდან 7 დღის შემდეგ, დაუდეკლარირებელი ამანათები გადადის სახელმწიფო საკუთრებაში.
გთხოვთ, გაითვალისწინოთ, რომ წინასწარი დეკლარირება სავალდებულოა, წინააღმდეგ შემთხვევაში ამანათს ვერ მიიღებთ.
თუ გამომგზავნ მაღაზიებში თქვენი მაღაზია ვერ მონახეთ, გთხოვთ მოგვწეროთ ელ-ფოსტაზე sales@usa2georgia.com მაღაზიის მისამართი და აუცილებლად დავამატებთ სიაში.
გთხოვთ გაითვალისწინოთ, საბაჟო გადასახადებისაგან თავის არიდების მიზნით, შეცდომით დადეკლარირებულ ამანათზე საბაჟო დაგაკისრებთ ჯარიმას, პირველ შემთხვევაზე დღგ-ს 40%-ს, ხოლო მომდევნოზე 100%-ს
ამერიკაში თქვენს მისამართზე ამანათის მიღებისას თქვენ გამოგეგზავნებათ წერილი ელ–ფოსტაზე. იმ შემთხვევაში, თუ გსურთ დამატებით მიიღოთ სმს შეტყობინებები, გთხოვთ, პარამეტრების განყოფილებაში - “შეტყობინებების მართვა”, გაააქტიუროთ შესაბამისი სერვისი.
ეს ძალზედ მარტივია. ამანათების მართვის პანელში თქვენ საშუალება გექნებათ მიიღოთ ამანათის თრექინგ კოდი. ამ კოდს ასევე შიდა ავია ზედდებულის ნომერს ეძახიან. ამერიკაში HAWB ანუ "House Air Way Bill". ეს კოდი ელ–ფოსტის სახით გეგზავნებათ. მისი შემოწმება შეგიძლიათ ჩვენი საიტიდან. ამ ინფორმაციის მიხედვით თვალყურს ადევნებთ, თუ სად იმყოფება ამანათი და როდის ჩამოვიდა.
როგორც წესი, რეისის ჩამოფრენიდან 1 სამუშაო დღეში ხდება ამანათის სორტირება და გაცემა, მაგრამ გთხოვთ გაითვალისწინოთ, რომ ამანათის მოწოდება შესაძლოა ვერ მოხერხდეს მისი ჩამოსვლის დღესვე, ეს შეიძლება დღე–ღამის და სამუშაო საათებზე იყოს დამოკიდებული.
ჩვენი სისტემა ძალზედ მარტივი და მოსახერხებელია. თქვენ ნებისმიერ დროს შეგიძლიათ შეხვიდეთ ამანათების მართვის პანელში, ნახოთ თუ რა ამანათები მიიღეთ ამერიკაში და იქვე დაამატოთ თრექინგ კოდები იმ ამანათების რომელსაც ელოდებით მაღაზიებიდან. თრექინგ კოდების დამატების პროცედურა სავალდებულოა, რომ დროულად მოხდეს ამანათის იდენტიფიცირება.
ამანათის ჩამოსვლისას შეგიძლით ნახოთ ტრანსპორტირების ინვოისი, გადაიხადოთ თანხა და შეამოწმოთ ამანათის თრექინგ ნომერი.
ონლაინ მაღაზიებში ყიდვა
ეს დამოკიდებულია მაღაზიაზე და გამოგზავნის სისწრაფეზე. სტანდატულად მაღაზიები 5–7 დღიანი ფოსტით აგზავნიან. იშვიათად შეიძლება ამანათი 10 დღე მიდიოდეს. ასევე გთხოვთ გაითვალისწინოთ რომ მაღაზიები ზოგჯერ 1–3 სამუშაო დღის განმავლობაში ახდენენ შეკვეთის დამუშავებას და მხოლოდ ამის შემდეგ აგზავნიან ამანათს.
ონლაინ მაღაზიებში როგორც წესი არის 1,2,3,5,7 დღიანი საფოსტო სერვისი. ამანათიც იმის მიხედვით გამოიგზავნება თუ რომელ საფოსტო სერვისს აირჩევთ.
AMAZON.com
თუმცა, გთხოვთ, გაითვალისწინოთ, რომ ჩვენ მაღაზიასთან მოლაპარაკებებს არ ვაწარმოებთ. ასევე, გარანტირებული არ არის, რომ ტელეფონს 24 საათის განმავლობაში ვინმე უპასუხებს, თუმცა მაღაზიები, როგორც წესი, ჩვეულებრივად მიიღებენ მითითებულ ტელეფონის ნომერს იმ შემთხვევაშიც კი, თუკი მასზე დარეკავენ და არავინ უპასუხებს.
არა, რა თქმა უნდა. თქვენი მისამართი ამერიკაში, შეგიძლიათ გამოიყენოთ ნებისმიერ ონლაინ მაღაზიაში. ცხადია, ყველა მაღაზიას თავის სპეციფიკა და წესები შეიძლება ჰქონდეს, მაგალითად, ზოგიერთი მათგანი არ მიიღებს საქართველოში დამზადებულ პლასტიკურ ბარათს, ან უარს გეტყვით ტრანზაქციის შესრულებაზე.
აგრეთვე იხილეთ პასუხი შეკითხვაზე "როგორ შევიძინო პროდუქცია ინტერნეტით"
ასევე იხილეთ ჩვენი ფასდაკლებების და კუპონების ვებ-გვერდი: shop.usa2georgia.com
როდესაც ონლაინ მაღაზიაში ყიდულობთ რამოდენიმე პროდუქტს, ხშირად მაღაზიები ვერ ახერხებენ მათი ერთიანად გამოგზავნის ორგანიზებას და პროდუქტებს ნაწილ–ნაწილ გზავნიან. რადგან ჩვენ არ გვაქვს ინფორმაცია, თუ რა პროდუქცია გაქვთ შეკვეთილი, შემოსულ ამანათებს უბრალოდ დავაფიქსირებთ თრექინგ კოდების მიხედვით.
დაზღვევა, განბაჟება
შესყიდვის ორდერი/ინვოისი სრულად უნდა მოიცავდეს შემდეგ ინფორმაციას: ორდერის ნომერი, პროდუქციის თრექინგ კოდი, ნივთის დასახელება, ამერიკული მისამართი, სადაც მიმღების სახელი, გვარი, ოთახის ნომერი და ასევე სრული თანხაა მითითებული.
საბაჟო დეკლარაციის მომზადებას საშუალოდ 1-დან 3 დღემდე სჭირდება, რის შემდეგაც მიიღებთ შეტყობინებას ტრანსპორტირების ინვოისის შესახებ და მისი გადახდის შემდეგ, შეძლებთ ამანათის გატანას. საბაჟო გადასახადის გადახდა შესაძლებელია დეკლარაციის მომზადებიდან 30 დღის განმავლობაში.
სერვისი მოქმედებს როგორც ფიზიკურ, ასევე იურიდიულ პირზე და ხელმისაწვდომია მომხმარებლისთვის მთელი საქართველოს მასშტაბით.
განბაჟებული ამანათის მიღება შესაძლებელია ოფისიდან, ტერმინალზე სპეციალური 10-ციფრიანი ტერმინალის კოდის მითითებით, ან მობილურ ტელეფონზე მიღებული შტრიხ კოდის ტერმინალზე მიდებით. განბაჟებული ამანათის გატანისას სავალდებულოა დაფიქსირდეს ელეტრონული ხელმოწერა, ამანათის მფლობელის მიერ. - ტერმინალის კოდი იგზავნება SMS/ელ.ფოსტის საშუალებით;
არსებობს ძალიან იშვიათი შემთხვევები, როდესაც გამოგზავნილი ამანათი იკარგება ამერიკის ტერიტორიაზე. გთხოვთ გაითვალისწინოთ, რომ გამოგზავნისას ყველა ამანათს აქვს თრექინგ კოდი, რასაც მაღაზია მიანიჭებს ამანათს. იმ შემთხვევაში თუ ამანათი ჩვენს საწყობამდე არ მოვიდა, სამწუხაროდ ჩვენ მას ვერ ვაკონტროლებთ, შესაბამისად მასზე ჩვენი დაზღვევის სერვისი არ ვრცელდება.
როგორც წესი, ასეთ შემთხვევებში უნდა დაუკავშირდეთ მაღაზიას რომ მოახდინონ ზარალის ანაზღაურება, ან ხელახლა გამოგზავნოს ამანათი.
იხილეთ ამონარიდი ხელშეკრულებიდან:
8. უსაფრთხოების დამატებითი მომსახურება - პასუხისმგებლობა ამანათზე, პროდუქციის ღირებულების მიხედვით.
8.1. აღნიშნული მომსახურება გულისხმობს ამანათის გარეგანი დაზიანების ან დაკარგვისგან დაცვას. სერვისში არ შედის ამანათში არსებული პროდუქციის შემოწმება დაზიანებაზე ან მუშაობის ვარგისიანობაზე.
8.2. მომსახურებით სარგებლობისათვის, საჭიროა ამანათების მართვის პანელში გაკეთდეს შესაბამისი დამატებითი უსაფრთხოების მონიშვნა თრექინგ კოდის გასწვრივ. მონიშვნა ან გაუქმება არ იმოქმედებს ამანათებზე, რომლებზეც ტრანსპორტირების ინვოისი უკვე გამოწერილია.
8.3. ამანათის დაკარგვის ან გაუჩინარების შემთხვევაში, კომპანია სრულად იღებს პასუხისმგებლობას, მათ შორის კერძო პირის მიერ გამოგზავნილი, Ebay ან სხვა აუქციონში ნაყიდი პროდუქციის, ჩამოწერილი, შეკეთებული ან ნახმარი პროდუქციის შემთხვევაში.
8.4. კომპანია არ იღებს პასუხისმგებლობას პროდუქციის დაზიანებაზე შემდეგი სახის ამანათების შემთხვევაში: კერძო პირის მიერ გამოგზავნილი, Ebay ან სხვა აუქციონში ნაყიდი პროდუქციის, ჩამოწერილი, შეკეთებული ან ნახმარი პროდუქციის, ამანათები რომლებიც ამერიკაში შემოვიდა თრექინგ კოდების გარეშე და მიენიჭა USA2GEORGIA-ს მიერ დაგენერირებული თრექინგ კოდი, თუმცა მსგავსი ტიპის ამანათების დაკარგვის შემთხვევაში, კომპანია სრულად დაფარავს მიყენებულ ზარალს, რაც პროდუქციისა და ტრანსპორტირების ღირებულებით განისაზღვრება.
8.5. დამატებითი მომსახურების ღირებულება შეადგენს მომხმარებლის მიერ ამანათის დეკლარირებისას მითითებული თანხის 1%-ს. მისი გადახდა ხდება ტრანსპორტირების ინვოისთან ერთად.
8.6. მომსახურება არ გავრცელდება შემდეგი სახის პროდუქციაზე: (მაგ. შუშა, ეკრანი, ჭურჭელი, ფაიფური, ჭაღი, ბრა და ა.შ.), თუ ვიზუალურად ამანათის ყუთი დაზიანებული არ არის. იმ შემთხვევაში, თუ მოხდა ამანათის შიგთავსის ან მისი ნაწილობრივი დაზიანება (შუშის, ეკრანის და ა.შ. გატეხვა, გაბზარვა....) და ამავე დროს გარეგნულად ამანათი დაზიანებული არ არის, მიმღები (მფლობელი) ვალდებულია მაინც გადაიხადოს ტრანსპორტირების ღირებულება და გაიტანოს აღნიშნული ამანათი, წინააღმდეგ შემთხვევაში კომპანია იტოვებს უფლებას დაუყოვნებლივ შეუწყვიტოს აღნიშნულ მომხმარებელს USA2GEORGIA-ს მომსახურება, მისი შემდგომი განუახლებლობის პირობით.
8.7. ზარალის დადგომის შემთხვევაში, ასანაზღაურებელი თანხა ლიმიტირებულია პროდუქციის ღირებულებით, რაც პროდუქციის შესყიდვის დამადასტურებელ დოკუმენტშია აღნიშნული და არ აღემატება მომხმარებლის მიერ დეკლარირებისას მითჲთებულ თანხას.
8.8. ზარალის ანაზღაურებისას აუცილებელია მომხმარებელმა წარმოადგინოს პროდუქციის შესყიდვის დამადასტურებელი დოკუმენტი, ამერიკაში საფოსტო კომპანიის მიერ მინიჭებულ თრექინგ კოდთან ერთად, ხოლო მაღაზიაში შეძენილი პროდუქციის შემთხვევაში, შესყიდვის დამადასტურებელი დოკუმენტი, ამონაწერი ან მასთან გათანაბრებული დოკუმენტი.
8.9. ზარალის შემთხვევაში, თანხის ანაზღაურება რეისის ჩამოფრენიდან 14 კალენდარული დღის ვადაში ხდება.
8.10. თუ მომხმარებელი აშკარად არ გამოთქვამს უარს წერილობით წინასწარ ამანათის ჩამოსვლამდე (ან სატრანსპორტო ინვოისის გამოწერამდე), $500 აშშ დოლარის ან მეტი ღირებულების პროდუქციაზე უსაფრთხოების დამატებითი მომსახურება გააქტიურდება ავტომატურად.
8.11. გაუჩინარებული ამანათის შემთხვევაში ზარალის ანაზღაურება ხდება მხოლოდ იმ შემთხვევაში, თუ მომხმარებელი ამანათის თრექინგ კოდს დაამატებს მისაღები ამანათების განყოფილებაში და ჩართავს უსაფრთხოების მომსახურებას თრექინგ კოდის USA2GEORGIA-ს ამერიკულ მისამართზე მისვლამდე. მისამართზე მისულად ითვლება მხოლოდ ის ამანათი, რომელსაც გააჩნია შესაბამისი მიტანის (Delivered) დამადასტურებელი დოკუმენტი საფოსტო კომპანიების ვებ-გვერდებიდან, მაგ.: USPS, UPS, FEDEX და ა.შ.
8.12. USA2GEORGIA უფლებამოსილია მოითხოვოს მომხმარებლისგან ხელმოწერის დამადასტურებელი გრაფიკული დოკუმენტი ე.წ. "Signature" (შესრულებული ფურცელზე ან ელექტრონულ მოწყობილობაზე რეალური ხელის მოწერის სახით) რაც ამერიკაში საფოსტო კომპანიის მიერ (მაგ.: UPS, Fedex, USPS) ამანათის ჩაბარებისას იქმნება და ინახება საფოსტო კომპანიის ბაზაში. აღნიშნული ხელმოწერის დოკუმენტის გარეშე, ზარალის ანაზღაურება არ ხდება.
პირველ რიგში, ნახეთ ამანათში არსებული შეკვეთის ფურცელი "ორდერი", სადაც აღწერილია, თუ რა შეიძინეთ და რა გამოიგზავნა მაღაზიიდან. საკმაოდ ხშირად ხდება ისე, რომ მაღაზიას გამოგზავნისას არ აქვს გარკვეული პროდუქცია და ვერ აგზავნის, ასეთ შემთხვევებში ფურცელზე წერია ხოლმე "Backorder", "B", ან რაიმე სხვა აღმნიშვნელი სიმბოლო.
გადაამოწმეთ ასევე ბარათზე ჩამოჭრილი თანხა და შეადარეთ ფურცელს, შემდეგ კი ონლაინ შეკვეთის დეტალებს.
თუ მაღაზიამ პროდუქცია არ გამოგზავნა სხვადასხვა ტექნიკური მიზეზის გამო, რა თქმა უნდა ის ვერც მოხვდებოდა ამანათში, მიუხედავად იმისა, თქვენ ის დაამატეთ, თუ არა კალათს ყიდვისას.
თუ გსურთ კონსულტაცია და დახმარება ამ თემაზე, ან თუ შენიშნეთ მსგავსი ფაქტი თქვენს ამანათთან დაკავშირებით, გთხოვთ მობრძანდეთ ჩვენთან ოფისში და თან იქონიოთ ამანათი თავდაპირველი შეფუთვით და "ორდერის" ფურცლით.
ასევე, ერთი რეისით გამოგზავნილი ამანათები, რომლის ჯამური ან/და ერთეული ამანათის ღირებულება აღემატება 300 ლარს და შეძენილია ერთი და იგივე ონლაინ მაღაზიაში/მომწოდებელთან, ექვემდებარება განბაჟებას.
საბაჟო გადასახადი შეადგენს პროდუქციის ღირებულების და ტრანსპორტირების ჯამის 18%-ს.
ამონარიდი საგადასახადო კოდექსიდან:
საქართველოს საგადასახადო კოდექსში ცვლილებებისა და დამატებების შეტანის შესახებ 52. 2705 მუხლის „ლ“ ქვეპუნქტი ჩამოყალიბდეს შემდეგი რედაქციით:
ლ) ფიზიკური პირის მიერ:
ლ.ვ) საფოსტო გზავნილის შემთხვევაში საგარეო-ეკონომიკური საქმიანობის სასაქონლო ნომენკლატურის 28–97 ჯგუფების შესაბამისი 300 ლარამდე ღირებულების, 30 კგ-მდე საერთო წონის საქონლის იმპორტი, რომელიც არ არის განკუთვნილი ეკონომიკური საქმიანობისათვის;
ინფორმაციისთვის, 28–97 ჯგუფები ითვალისწინებს პრაქტიკულად ყველა სახის პროდუქციას, გარდა საკვებისა. დეტალები სასაქონლო ნომენკლატურის ჯგუფების შესახებ, იხილეთ შემდეგ მისამართზე: http://www.mof.ge/common/get_doc.aspx?docID=5220
USA2GEORGIA 2009 წლიდან ახორციელებს გადაზიდვებს მსოფლიოს სხვადასხვა მიმართულებით. სატრანსპორტო სერვისების ფართო სპექტრიდან აღსანიშნავია ლოჯისტიკის სერვისი, ტვირთების წამოღება მითითებული მისამართიდან, ტვირთების შეგროვება, გადალაგება, დაჯგუფება, ერთიანი ინვოისით გადმოგზავნა საჰაერო, საზღვაო თუ სახმელეთო გზით მსოფლიოს ნებისმიერი წერტილიდან.
კომპანია აკრედიტებულია TSA-ის მიერ (სატრანსპორტო უსაფრთხოების ადმინისტრაცია). ტერიტორია დაცულია მათი წესების და მოთხოვნების შესაბამისად.
სურვილის შემთხვევაში, შეგიძლიათ მობრძანდეთ ჩვენთან ოფისში, გააფორმოთ ხელშეკრულება და მიიღოთ სხვა დამატებით შეკითხვებზე პასუხი.
აგრეთვე იხილეთ გვერდი: ჩვენს შესახებ
წინასწარი დეკლარირება სავალდებულოა. დეკლარირების სრულყოფილად და სწორად შევსებაზე მთლიანად პასუხისმგებელია მომხმარებელი.
ეს პროცედურა სავალდებულოა, რომ დროულად მოხდეს თქვენი ამანათის მიღება საქართველოში.
გთხოვთ გაითვალისწინოთ, საბაჟო გადასახადებისაგან თავის არიდების მიზნით შეცდომით დადეკლარირებულ ამანათზე საბაჟო დაგაკისრებთ ჯარიმას, პირველ შემთხვევაზე ღირებულების 40%-ს, ხოლო მომდევნოზე 100%-ს.
სხვადასხვა
შეიძლება, თუმცა ჩვენი ფასები საშუალოდ 10 ჯერ იაფია ყველა ცნობილ ექსპრეს ფოსტასთან შედარებით, ხოლო ტრანსპორტირების ვადა იგივეა რაც ჩვენთან. დამატებითი შეკითხვებით შეგიძლიათ დაგვიკავშირდეთ ელ–ფოსტაზე ან ტელეფონზე.
ცხადია შეიძლება, თუმცა გაითვალისწინეთ რომ თითოეული მისამართი კონკრეტულ მიმღებზეა დარეგისტრირებული. ასევე ამანათების გამოგზავნისას სწორედ მას მივუთითებთ მიმღებად. გთხოვთ გაითვალისწინოთ რომ საქართველოს კანონმდებლობის მიხედვით, განბაჟება შესაძლოა დაექვემდებაროს ყველა ის ამანათი რომელიც ერთჯერადი სახის არ არის ან შეიცავს ერთგვაროვან პროდუქციას. ასევე პროდუქციის ღირებულება არ უნდა აღემატებოდეს 300 ლარს და 30კგ–ს.
კანონი არ განმარტავს კონკრეტულად თუ რა სახის ერთგვაროვანი პროდუქცია იგულისხმება ან რა სიხშირით არის დასაშვები ამანათების მიღება ერთსა და იმავე პირზე, ასე რომ, სასურველია ყველა მიმღებს თავის მისამართი და ანგარიში ჰქონდეს ჩვენთან – მითუმეტეს როდესაც ჩვენთან რეგისტრაცია სრულიად უფასოა.
დიახ, ამანათის ინსპექტირება სავალდებულოა უსაფრთხოების ზომებიდან გამომდინარე..
თუ ამანათის სკანირების შედეგად ან ზედდებული ინვოისის/პროდუქციის შეკვეთის ფურცლის მიხედვით დაფიქსირდა პროდუქტი, რომლის გამოგზავნაც აკრძალულია, ჩვენ შევაჩერებთ ასეთ ამანათს და დაგიკავშირდებით დამატებითი ინსტრუქციით. იხილეთ აკრძალული პროდუქციის ჩამონათვალი.
აკრძალული პროდუქციის აღმოჩენის შემთხვევაში როგორც წესი ამანათი უბრუნდება გამომგზავნს, რომელიც უზუნველყოფს თქენთვის თანხის დაბრუნებას. წინასწარ საჭიროა გამომგზავნთან მოლაპარაკებაც.
გადახდილი ამანათების შენახვა ჩვენს საწყობში პრაქტიკულად უვადოდ შეიძლება, ყოველგვარი დამატებითი საფასურის გადახდის გარეშე.
უცნაური კითხვები
სამწუხაროდ 1 დღეში ვერ ჩამოგვაქვს ამერიკიდან და ვერც 2 დღეში.
რეისები იგზავნება ამანათის მიღებიდან მომდევნო დღეს. ტრანსპორტირების საშუალო ხანგრძლივობაა 7-10 დღე.
იგულისხმებოდა, რომ მუსიკალური MP3 ფლეიერი "აიპოდი" გაგვეხსნა, ასევე ფეხსაცმელი ამოგვეღო სხვა მეორე ამანათიდან და ფლეიერი შიგ ჩაგვედო – სავარაუდოთ მისი უსაფრთხო ტრანსპორტირების მიზნით.
ჩვენთვის უცნობია თუ რა გამოცდილება აქვს კლიენტს სხვა საფოსტო კომპანიებთან წარსულში, თუმცა ერთი ფაქტია – უამრავი მომხმარებელი მოდის და კითხულობს ისეთ რამეს, რაც მართლაც წარმოუდგენელი და არასწორია.
1. ჩვენ არ ვხსნით პროდუქციის ყუთებს. არ ვეხებით პროდუქციას.
2. ჩვენ არ ვაჯგუფებთ რამოდენიმე ამანათს ერთად.
3. ჩვენს მიერ გამოგზავნილი ყველა ამანათი დაზღვეულია ამანათის დაკარგვაზე ან დაზიანებაზე.
შეგახსენებთ, რომ თანხის გადახდა ასევე შესაძლებელია ქინდერით.
ხოლო ამანათს სპაიდერმენი ან ბეტმენი მოგართმევთ, გთხოვთ დაელოდოთ
მაინტერესებს ჩემი თრექინგ კოდი როდის გადაიქცევა ამანათად?
პასუხი: ის უკვე გადაქცეულია და გამოგზავნილია საქართველოში
პასუხი: გმადლობთ, რომ დაგვიკავშირდით, სამწუხაროდ პასუხი ამ ტავარის შესახებ არ გვაქვს :)
მისამართის მდელო – ალბათ მომხმარებელმა მისამართის ველი იგულისხმა.
მისამართის ველში იწერება ის მისამართი რომელზეც კურიერმა უნდა მოიტანოს ამანათი.
გმადლობთ რომ დაგვიკავშირდით,
სამოქალაქო კოდექსის 730-ე მუხლის მიხედვით, ტვირთის საექსპედიციო მომსახურება განისაზღვრება გადაფუთვის, დაზღვევის და ლოჯისტიკის უზრუნველყოფით.
ამავე მუხლის მიხედვით, ექსპედიტორს ანუ გადამზიდავ კომპანიას აქვს უფლება მოახდინოს ტვირთის გადაფუთვა უსაფრთხოების ნორმების დაცვის მიზნით. თქვენს შემთხვევაში აღნიშნული ოპერაცია უფასო იქნება.
ტრანსპორტირების ღირებულების დასაანგარიშებლად საჭიროა რეალური და მოცულობითი წონის გათვალისწინება. სიგრძე X სიმაღლე X სიგანე / 6000. მიღებული წონა უნდა გაამრავლოთ $8-ზე.
საექსპედიციო მომსახურების ღირებულების გადახდა, კოსმოსურ მფრინავ ობიექტზე ტვირტის განთავსების და საჰაერო კოსმო-ზედდებულის გამოწერის შემდეგ მოხდება.
თანხის გადახდა შეგიძლიათ TBCPAY და PAYBOX-ს სწრაფი გადახდის აპარატებში შემდეგი ფილიალებიდან:თბილისი - მიცკევიჩის ქ. 14მარსი - გორგასლის ქვაბული #17მთვარე - მე-9 კოლონია, ბლოკი Aაგრეთვე ორიონის ნისლეულში გაბნეულ ნებისმიერ პლანეტაზე.
გისურვებთ წარმატებებს :)
"ტრეინინგ კოდი" არასწორია. სწორია "თრექინგ კოდი" ანუ Tracking Code.
ეს არის კოდი, რომელსაც საფოსტო კომპანია ამანათს ანიჭებს, რათა მარტივად მოხდეს ამანათის მარშუტის და მიტანის სტატუსის შემოწმება.იგულისხმება ქაღალდები, რომელიც ზოგჯერ ფეხსაცმელს სპეციალურად უდევს ფორმის შენარჩუნების ან რაიმე სხვა მიზნით.
თუ მომხმარებელს მართლაც სურს, ამის გაკეთება შეგვიძლია. ამოვიღებთ ქაღალდებს, მაგრამ ცხადია, რომ ეს წონის და ტრანსპორტირების ღირებულების შემცირებაზე დიდ ზეგავლენას ვერ მოახდენს.
სუფთა – იგულისხმება ამანათში არსებული პროდუქციის წონა. რათქმაუნდა პასუხია არა.
ტრანსპორტირების ღირებულების დასათვლელად საჭიროა ამანათის მთლიანი წონის გათვალისწინება. ამასთან თუ ამანათის მოცულობა დიდია, საჭიროა მისი მოცულობითი წონის გამოთვლა. დამატებით იხილეთ სტატია: https://support.usa2georgia.com/index.php?/Knowledgebase/Article/View/11/2/
საკურიერო სერვისი
იმისთვის, რომ ისარგებლოთ რეგიონული საკურიერო სერვისით, ჩამოსული ამანათების განყოფილებიდან გააკეთეთ მოთხოვნა - "გამომიგზავნე ამანათები" ღილაკზე დაჭერით.
შესაბამისად, ამანათები გაიგზავნება იმ ქალაქში, რაც მითითებული გაქვთ თქვენს ექაუნთში პროფილის განყოფილებაში.
გთხოვთ, ღილაკზე დაჭერამდე გადაამოწმოთ თქვენი მისამართი.
რეგიონული საკურიერო მომსახურების ღირებულება ყოველ 10 კგ-მდე ნებისმიერი რაოდენობის, ერთი მომხმარებლისთვის მისატან ამანათზე შეადგენს 10 ლარს. 10 კგ-დან 20 კგ.მდე - 20 ლარს. თუ ამანათის წონა აღემატება 20 კგ-ს, მომსახურების ღირებულება განისაზღვრება ყოველ 1 კგ-მდე - 0.80 ლარით (მაგალითად, თუ ამანათის წონაა 21,8 კგ, ამანათის წონა დამრგვალდება 22 კგ-მდე და გამრავლდება 0,80 ლარზე). ამანათის მიტანის მიახლოებითი ვადა შეადგენს 3-5 სამუშაო დღეს.
ამანათების მოთხოვნამდე საჭიროა გადასახდელი ინვოისების გადახდა და ანგარიშზე რეგიონული საკურიერო ღირებულების ჩარიცხვა.
სრული ინფორმაციის ნახვა, საკურიერო მომსახურებაზე, შეგიძლიათ: https://www.usa2georgia.com/agreement
ექსპრეს კურიერით სარგებლობისთვის, შეგიძლიათ ამანათების მართვის პანელში, განყოფილებაში "ჩამოსულია" გააკეთოთ მოთხოვნა ღილაკზე დაჭერით "მოიტანოს ექსპრეს კურიერმა". გაითვალისწინეთ, რომ ექსპრეს კურიერი მუშაობს ორშაბათიდან შაბათის ჩათვლით.
ექსპრეს კურიერის მომსახურების ღირებულება ყოველ 10 კგ-მდე ნებისმიერი რაოდენობის, ერთი მომხმარებლისთვის მისატან ამანათზე შეადგენს 3 ლარს. 10 კგ-დან 20 კგ.მდე - 6 ლარს. თუ ამანათის წონა აღემატება 20 კგ-ს, მომსახურების ღირებულება განისაზღვრება ყოველ 1 კგ-მდე - 0.80 ლარით (მაგალითად, თუ ამანათის წონაა 21,8 კგ, ამანათის წონა დამრგვალდება 22 კგ-მდე და გამრავლდება 0,80 ლარზე). ამანათის მიტანის მიახლოებითი ვადა შეადგენს 2 სამუშაო დღეს.
გთხოვთ, ღილაკზე დაჭერამდე გადაამოწმოთ თქვენი მისამართი.
ამანათების მოთხოვნამდე საჭიროა გადასახდელი ინვოისების გადახდა და ანგარიშზე რეგიონული საკურიერო ღირებულების ჩარიცხვა.
სრული ინფორმაციის ნახვა, საკურიერო მომსახურებაზე, შეგიძლიათ: https://www.usa2georgia.com/agreement
გაზიარება